രാജാവ് നഗ്നനാണ്
രാജാവ് നഗ്നനാണ്
പകല്‍ വെളിച്ചം പോലെ സത്യം...
അങ്ങേയ്ക്കു നഗ്നനായിതുടരാമെങ്കില്‍
ഞങ്ങള്‍ വിളിച്ചു പറഞ്ഞാലെന്ത് ?
പച്ചയ്ക്കു കണ്ടതിനേക്കാള്‍ മാനഹാനിയോ
ഞങ്ങള്‍ കണ്ടത് പറഞ്ഞാല്‍ ?
വേലക്കാരെന്നാല്‍ അടിമകളെന്ന്,
നെറിക്കേട് കണ്ടാലും
നാവാടാതിരിക്കേണ്ടവരെന്ന്,
നട്ടാല്‍ കുരുക്കാത്ത നുണകളെ
നേരെന്ന് പുകഴ്ത്തേണ്ടവരെന്ന്
അങ്ങയെ പഠിപ്പിച്ചതാരാണ് ?
സൗരോര്‍ജ്ജ പാനലുകളേക്കാള്‍
പരുപരുത്ത ഖദര്‍തുണി തന്നെയാണ്
നാണം മറയ്ക്കാന്‍ നല്ലതെന്ന്,
ഉള്ളിലെ ദൂഷ്യം മറയ്ക്കാന്‍ നല്ലതെന്ന്
അങ്ങ് മറന്ന് പോയതെന്ത് ?
തിരുവുള്ളക്കേടുണ്ടാവരുത് !
കോപിക്കരുത് !
മദ്യപിക്കുന്ന അമ്മമാരുടെ
അന്നം കഴിക്കാന്‍ കൂട്ടാക്കാത്ത
കുഞ്ഞുങ്ങളെ പോലെ
ഞങ്ങളുടെ കുഞ്ഞുങ്ങളും, വയ്യ !!!
No comments:
Post a Comment