കവിത - ഒറ്റമരം.

 ഒറ്റമരം

വിശാലമീ പുല്‍മേട്ടിലെന്നും

ഒരൊറ്റ മരമായി നില്‍പ്പാണ്

മുളപൊട്ടിയ നാള്‍ മുതല്‍...

എനിക്കെന്നും ഈ

ഏകാന്തത മാത്രം സ്വന്തം...

പച്ച തലപ്പുകള്‍ നീട്ടി

കാറ്റിനൊപ്പിച്ച് തളിര്‍

ചില്ല ക്കൈകളാല്‍ മാടി

വിളിക്കുന്നുണ്ട് നോക്കെത്താ

ദൂരത്തൊരു പെരുങ്കാട്...

ഭൂമിയുടെ ആഴങ്ങളില്‍

കുടിനീര് തേടുന്ന തായ്

വേരും പറിച്ച് കുതറി

ഓടണമെന്നുണ്ട് കൂട്ടായ്മയുടെ

ആ വാഗ്ദത്ത ഭൂമിയിലേയ്ക്ക്...